Меню

Александра молитва за россию

Молитвы о России

Молитва ко Господу о спасении России 1

Го́споди Иису́се Хри­сте́, Бо́же на́ш, при­и­ми́ от на́с, недосто́йных рабо́в Твои́х, усе́рдное моле́ние сие́ и, прости́в на́м вся́ согреше́ния на́ша, помя­ни́ все́х враго́в на́ших, ненави́дящих и оби́дящих на́с, и не возда́ждь и́м по де́лом и́х, но, по вели́цей Твое́й ми́лости, обра­ти́ и́х: неве́рных — ко правове́рию и благоче́стию, я́ко да ни еди́н от ни́х поги́бнет на́с ра́ди, недосто́йных; ве́рных же — во е́же уклони́тся от зла́ и твори́ти благо́е.
Н а́с же все́х и Це́рковь Твою́ Святу́ю — всеси́льною Твое́ю кре́постию от вся́каго зла́го обстоя́ния ми́лостивно изба́ви, и стра­ну́ Росси́йскую от лю́тых враго́в и вла́сти и́х сво­бо­ди́. Ве́рных рабо́в Твои́х — в ско́рби и печа́ли — де́нь и но́щь вопию́щих к Тебе́, многоболе́зненный во́пль услы́ши, многоми́лостиве Бо́же на́ш, и изве­ди́ из истле́ния живо́т и́х. Пода́ждь же ми́р и тиши­ну́, любо́вь, и утвержде́ние, и ско́рое примире́ние лю́дем Твои́м, и́хже — Честно́ю Твое́ю Кро́вию — искупи́л еси́.
Н о и отсту­пив­шим от Тебе́, и Тебе́ не и́щущим — явле́н бу́ди, вое́же ни еди́ному от ни́х поги́бнути, но все́м спасти́ся и в ра́зум и́стины при­и­ти́: да вси́ в соглас­нем единомы́слии и в непреста́нной люб­ви́ просла́вят пречестно́е и́мя Твое́, терпеливоду́шне, незло­би­ве, Го́споди, во ве́ки веко́в. Ами́нь».

Молитва ко Господу о России

На Отчи́зну на́шу, Росси́ю, изле́й благода́ть Твою́, Бо́же! Да соединя́тся все́ наро́ды, ее насе­ля­ю­щие, в одну́ семью, Тебя́, Отца́ Небес­но­го, единомы́сленно испо­ве­да­ю­щую, всю́ жи́знь свою́ единоду́шно по ве́ре устроя́ющую, да бу́дет еди́но ста́до и еди́ный Па́стырь, да бу́дет хле́б насу́щный и духо́вный для все́х без изъя́тия. Да бу́дет ми́р и любо́вь меж­ду́ все́ми и да бу́дут безси́льны ко́зни враго́в вну́тренних и вне́шних, злы́х се́ятелей пле́вел на ни́ве Твое́й, писа́нием, сло́вом или́ де́лом вно­ся­щих шат­кость в умы́, го́речь в се́рдца, собла́зн, раз­дор и вся́кую скве́рну в жи́знь.
П ошли́, Го́споди, де́лателей до́брых на ру́сскую ни́ву Твою́, да огла­сят они́ ее гла­го­ла­ми пра́вды Твое́й, да просветя́т ее приме́ром жи́зни по ве́ре. Пошли́, Го́споди, наро́ду чут­кость се́рдца, да разуме́ет о́н святы́е ре́чи избра́нников Твои́х, да разуме́ет о́н святу́ю во́лю Твою́ и неизме́нно и с ра́достию твори́т ее, да бу́дет Ру́сь вои́стину свя́та, да соедини́тся она́ единомы́сленно и единоду́шно в одно́ вели́кое Бра́тство Христо́во, мы́слию, сло́вом и де́лом ве́рное Бо́гу и Хри­сту́ Его́. Да бу́дет Ру́сь на́ша по́длинно церко́вной дер­жа­вой, во все́х дела́х свои́х руко­вод­ству­ю­щей­ся уче́нием правосла́вной Це́ркви.
Г о́споди, Влады́ко ми́ра! Посе­ти́ стра­ну́ на́шу благода́тию Свое́ю, да облече́тся она́ свя́тостию, я́ко ри́зою, и да бу́дут сы́ны ее во смире́нии свое́м досто́йны оде́жды брач­ной, в не́йже вни́ти надлежи́т в черто́г Ца́рствия Тво­е­го́. Ами́нь.

Молитва ко Господу об Отечестве исп. Николая (Могилевского), митрополита Алма-Атинского 2

Го́споди Бо́же, Спаси́телю на́ш! К Тебе́ припа́даем с сокруше́нным се́рдцем и испове́дуем гре­хи́ и беззако́ния на́ша, и́ми же раздражи́хом Твое́ благоутро́бие и затвори́хом щедро́ты Твоя́. Сего́ ра́ди пра́ведный су́д Тво́й пости́же на́с, Го́споди: раздо́ры и нестрое́ния объя́ша на́с, уби́йства и кровопроли́тия, враж­да́ и зло́ба умно́жишася до зела́.
Н о, Премилосе́рдый Го́споди, при́зри с высо­ты́ Святы́я Тво­ея́ на сле́зныя моль­бы́ ни́щих ско́рбных люде́й Твои́х, пре­ло­жи́ гне́в Тво́й на милосе́рдие и да́ждь на́м по́мощь от ско́рби. Ве́мы, я́ко от ле́т дре́вних в годи́ны искуше́ний стра­на́ на́ша то́кмо ве́рою Христо́вою от ги́бели спаса́шеся, то́кмо моли́твою и слеза́ми покая́ния от ко́зней и сете́й вра́жиих избавля́шеся.
С его́ ра́ди во умиле́нии се́рдца вопие́м Тебе́: охра­ни́ и ны́не Оте́чество на́ше от враго́в, губя́щих е́, вос­пла­ме­ни́ в сердца́х на́ших любо́вь к Це́ркви Твое́й Свято́й и научи́ на́с кре́пко, да́же до сме́рти стоя́ти за ве́ру святу́ю Твою́ и за сла́ву И́мени Тво­е­го́ Свята́го, и та́ко утвер­ди́ и воспросла́ви Це́рковь Твою́ всеси́льною кре́постию Твое́ю и от вся́каго зла́го обстоя́ния изба́ви ю́.
О распе́нших Тя́ моли́вый, Го́споди, и рабо́м Твои́м о вразе́х моли́тися повеле́вый, ненави́дящих и оби́дящих на́с про­сти́, не возда́ждь и́м, Го́споди, по дело́м и́х и по лука́вству начина́ния и́х, не ве́дят бо, что́ творя́т, но к бра­то­люб­но­му и доброде́тельному наста́ви жи́тельству, да обратя́тся к Тебе́, сво­е­му́ Влады́це, и ку́пно с сына́ми Це́ркви Тво­ея́, просла́вят Тебе́ Еди́наго в Тро́ице сла́вимаго Бо́га во ве́ки веко́в. Ами́нь.

Читайте также:  Молитвы для успешного поиска работы

Молитва по соглашению о спасении России

Гос­по­ди Боже наш, Иису­се Хри­сте, Пре­чи­сты­ми Тво­и­ми уста­ми Ты ска­зал нам: «Если двое из вас согла­сят­ся на зем­ле про­сить о вся­ком деле, то чего бы ни попро­си­ли, будет им от Отца Мое­го Небесного».
С глу­бо­кой верой в непре­лож­ность слов Тво­их и без­мер­ное мило­сер­дие Твое про­сим Тебя — услы­шать всех моля­щих­ся рабов Тво­их, согла­сив­ших­ся сми­рен­но про­сить Тебя об умно­же­нии люб­ви и иско­ре­не­нии вся­ко­го зла и нена­ви­сти в Рос­сии, о спа­се­нии и бла­го­по­лу­чии стра­ны нашей, о вере и муд­ро­сти рус­ских пра­ви­те­лей и люб­ви их к сво­е­му народу.
О дна­ко не как мы хотим, а как Ты, Гос­по­ди; да будет на всё воля Твоя свя­тая. Аминь.

Покаянная молитва ко Господу во дни смуты

Го́споди, Бо́же Вседержи́телю, при́зри на на́с, гре́шных и недосто́йных ча́д Твои́х, согреши́вших пред Тобо́ю, прогне́вавших бла́гость Твою́, навлек­ших гне́в Тво́й пра́ведный на ны́, па́дших во глу­би­ну́ грехо́вную.
Т ы́ зри́ши, Го́споди, не́мощь и ско́рбь душе́вную, ве́си растле́ние умо́в и серде́ц на́ших, оскуде́ние ве́ры, отступле́ние от за́поведей Твои́х, умноже́ние нестрое́ний семе́йных, разъ­еди­не­ния и раздо́ры церко́вныя, Ты́ зри́ши печа́ли и ско́рби на́ша, от боле́зней, гла́дов и междоусо́бныя бра́ни происходящия.
Н о, Премилосе́рдый и Человеколюби́вый Го́споди, вра­зу­ми́, наста́ви и поми́луй на́с, недосто́йных. Испра́ви жи́знь на́шу грехо́вную, уто­ли́ раздо́ры и нестрое́ния, собе­ри́ расточе́нныя, соеди­ни́ разсе́янныя, пода́ждь ми́р стране́ на́шей и изба́ви ю́ от тя́жких бе́д и несча́стий.
В сесвяты́й Влады́ко, про­све­ти́ ра́зум на́ш све́том уче́ния Ева́нгельскаго, возгре́й серд­ца́ на́ша теплото́ю благода́ти Тво­ея́ и напра́ви я́ к де́ланию за́поведей Твои́х, да просла́вится в на́с всесвято́е и пресла́вное и́мя Твое́, Отца́ и Сы́на и Свята́го Ду́ха, ны́не и во ве́ки веко́в. Ами́нь.

Читайте также:  Молитвы перед родами ребенка

Молитва ко Пресвятой Богородице о России

Засту́пнице зем­ли́ Росси́йстей и непреста́нная за нас моли́твеннице, мир наро́ду у Го́спода испро­си́, да святи́тся в нас и́мя Бо́жие во ве́ки. Ами́нь.

Святителю Тихону, патриарху Московскому 3

О, па́стыре наш до́брый, святы́й вели́кий Патриа́рше Ти́хоне, я́ко град го́рний ты яви́лся еси́ — до́брая дела́ твоя́ и доны́не све́тятся пред челове́ки. Ве́мы, я́ко ты, пред­стоя́ престо́лу Пресвяты́я Тро́ицы, ве́лие и́маши дерзнове́ние в моли́твах пред Го́сподем.
В оззри́ и ны́не на нас, гре́шных и недосто́йных чад твои́х, к тебе́ бо, я́ко иму́щему ве́лие дерзнове́ние пред Творце́м вся́ческих, ны́не припа́даем и усе́рдно мо́лимся: умо­ли́ Го́спода, да пода́ст нам реши́мость стяжа́ть благоче́стие отце́в на́ших, его́же ты стяжа́л еси́ от ю́ности твоея́.
Т ы в житии́ свое́м ре́вностный защи́титель и храни́тель и́стинныя ве́ры был еси́, помо­зи́ и нам незы́блемо соблю­сти́ ве́ру Правосла́вную. Ти́хая душа́ твоя́ зело́ преуспе́ла в боже́ственном смиренному́дрии, научи́ и нас ра́зум наш пита́ти не многомяте́жной му́дростию челове́ческой, но смире́нным позна́нием во́ли Бо́жией. Ты пред лице́м лю́тых враго́в Христо́вых И́стиннаго Бо́га дерзнове́нно испове́дал еси́, моли́твою свое́ю укре­пи́ нас, малоду́шных, да и мы все­гда́ и всю́ду противоста́нем ду́ху безбо́жия и льсти.
Е й, уго́дниче Бо́жий, не пре́зри нас, моля́щихся тебе́ (име­на), и́бо не то́кмо от бед и скорбе́й избавле́ния про́сим, но си́лы и тве́рдости, великоду́шия и люб­ви́ про́сим, да́бы переноси́ть о́ныя напа́сти, востаю́щия на ны. Испро­си́ нам неосла́бное терпе́ние да́же до кон­ца́ жития́ на́шего, мир с Го́сподом и грехо́в отпуще́ние.
О́ тче святы́й! Укро­ти́ в стране́ на́шей ве́тры неве́рия и сму́ты, да водвори́т Госпо́дь на зем­ле́ Росси́йстей тиши­ну́ и благоче́стие и любо́вь нелицеме́рную. Моли́твами твои́ми да сохрани́т ю от междоусо́бныя бра́ни, да укрепи́т Святу́ю Це́рковь на́шу Правосла́вную, да не оскуде́ет она́ и́стинными па́стырями, до́брыми де́лателями, пра́во пра́вящими сло́во Ева́нгельской и́стины. Упа­си́ и заблу́ждшия о́вцы ста́да Христо́ва.
Н аипа́че же моли́ Го́спода сил, да возроди́тся Ру́сская зем­ля́ святы́м покая́нием, и еди́ным се́рдцем и еди́ными усты́ просла́вит Ди́внаго во святы́х Свои́х Бо́га в Тро́ице сла́вимаго, Отца́ и Сы́на и Свята́го Ду́ха во ве́ки веко́в. Ами́нь.

Святым новомученикам и исповедникам Российским

Святи́и новому́ченицы и испове́дницы Це́ркве Росси́йския, услы́шите усе́рдную моль­бу́ на́шу! Ве́мы, я́ко не́ции от вас, еще́ о́троцы су́ще, послу́шающе о дре́влих страстоте́рпцех, в се́рдце свое́м помы́слиша, коли́ко прелюбе́зно и доброхва́льно есть таковы́м подража́ти, и́хже ни му́ки, ни смерть не разлучи́ша от люб­ве́ Бо́жия.
Б ла́го же вам, я́ко после́довали есте́ ве́ре и терпе́нию тех, о ни́хже слы́шасте и и́хже возлюби́сте. А поне́же на вся́кое вре́мя возмо́жно е́сть наи­ти́ на ны́ испыта́нием неча́янным, испроси́те от Го́спода нам му́жества дар, Иже толи́ко благопотре́бен есть в житии́ челове́честем.
В ся кон­цы́ оте́чества на́шего страда́ньми свои́ми освяти́вшии, я́ко о́бщии за вся́ ны моли́твенницы, умоли́те Бо́га, изба́вити лю́ди Своя́ от и́га, ужа́снейшаго па́че вся́каго ино́го. Да упраздня́тся раско́лы в Це́ркви на́шей, да бу́дут вси́ еди́но и да изведе́т Госпо́дь на жа́тву де́латели Своя́, си́есть да не оскудева́ет Це́рковь па́стырьми до́брыми, и́же и́мут просвеща́ти све́том и́ститнныя ве́ры сто́ль вели́кое мно́жество люде́й, ве́ре ненауче́нных или от ве́ры отврати́вшихся.
Н едосто́йни есмы́ ми́лости Бо́жия, оба́че страда́ний ра́ди ва́ших Христо́с Бог наш да уще́дрит и поми́лует всех нас, в по́мощь вас призыва́ющих. Мы же Ему́, Спаси́телю на́шему со Отце́м и со Святы́м Ду́хом, сокруше́ние о гресе́х и благодаре́ние за вся́ все­гда́ да прино́сим, сла́вяще Его́ во ве́ки веко́в. Ами́нь.

Читайте также:  Молитва хвали имя господне

Источник статьи: http://azbyka.ru/molitvoslov/molitvy-o-rossii.html

Молитва за Россию и русский народ

Атеистов не бывает в падающем самолёте и на войне. Просить Бога о помощи начинают все, без исключения. Бога, Высшие Силы, Высший разум, но просить! Ибо маленький человек понимает насколько он мал и беспомощен в страшных ситуациях. И вот сейчас наступило время страшной Войны против народа. И настало время молиться.
В прошлом году, когда закрыли Храмы — Схиархимандрит Илий благословил читать Молитву — Защиту от напастей и беззаконий. Кто может — молитесь братья и сестры! Против надвигающегося фашизма — видимо это единственное сейчас выход.
СИМ ПОБЕДИШИ!
Многомилостиве и Всемилостиве Боже наш, Отче, Сыне и Душе Святый! Ты, обещавый праведному Аврааму помиловати два великих города, согрешивших пред Тобою, аще обрящеши в них десять праведников; помилуй, Боже наш, и Русь православную — Великую, Малую и Белую за молитвы верных Твоих, вопиющих к Тебе день и нощь.

Умири гнев Твой праведный, на ны движимый, и услыши моления всех новомучеников и исповедников Российских, живот свой за Церковь Твою святую и веру Православную положивших. Не попусти, Владыко, богомерзкому сборищу сатанин­скому погубити страну нашу, Церковь Русскую и народ православный. Даруй нам, Господи, мужей силы, веры и разума, да Твоею помощию сокрушат вся козни слуг антихристовых молитвами Заступницы земли Российския — Пречистыя Твоея Матере и всех Твоих святых, да прославим милость Твою к нам, во веки веков. Аминь

Отрицаюся тебе сатано,гордыни твоея и служению тебе, и сочетаюся тебе
Христе, во имя Отца, и Сына, и Святаго Духа. Аминь
Господи Иисусе Христе, молитвами Пречистыя Владычицы нашей Богородицы и Приснодевы Марии, святаго Ангела Хранителя моего и всех святых Небесных Сил бесплотных, святаго (имя святого, в честь которого вы крещены) и всех святых, от века тебе благоугодивших, спаси и помилуй всех православных христиан в час сей единым сердцем и едиными усты соборно молящихся со мною, а их святыми молитвами меня недостойного (ую) раба (у) Твоего (Ваше имя и тех за кого вы молитесь) помилуй и спаси, изжени из сердец наших и всех православных христиан гордыню, тщеславие и всю происходящую от них греховную сатанинскую скверну, приложи нам непоколебимую веру, истинную мудрость и взаимную друг ко другу любовь. Освяти наши мысли и чувства, дабы мы жили мы Тебе, Святой Троице во славу Церкви и Отечеству на пользу, а друг другу и всем ближним только на радость и во спасение. Аминь.
ХРИСТОС посреди нас! Есть и будет!

Источник статьи: http://proza.ru/2021/07/01/640