Меню

Воскресение христова видевше молитва

Воскресение христова видевше молитва

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Верую во единаго Бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.

Богородице Дево, радуйся, Благодатная Марие, Господь с Тобою; благословена Ты в женах и благословен Плод чрева Твоего, яко Спаса родила еси душ наших.

Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Воскресение Христово видевше, поклонимся Святому Господу Иисусу, единому безгрешному. Кресту Твоему покланяемся, Христе, и святое Воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите, вси вернии, поклонимся Святому Христову Воскресению: се бо прииде Крестом радость всему миру. Всегда благословяще Господа, поем Воскресение Его: распятие бо претерпев, смертию смерть разруши.

Величит душа Моя Господа, и возрадовася дух Мой о Бозе Спасе Моем.

Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.

Яко призре на смирение рабы Своея, се бо отныне ублажат Мя вси роди.

Яко сотвори Мне величие Сильный, и свято имя Его, и милость Его в роды родов боящимся Его.

Сотвори державу мышцею Своею, расточи гордыя мыслию сердца их.

Низложи сильныя со престол, и вознесе смиренныя; алчущия исполни благ, и богатящияся отпусти тщи.

Восприят Израиля отрока Своего, помянути милости, якоже глагола ко отцем нашим, Аврааму и семени его даже до века.

Ныне отпущаеши раба Твоего, Владыко, по глаголу Твоему с миром; яко видеста очи мои спасение Твое, еже еси уготовал пред лицем всех людей, свет во откровение языков, и славу людей Твоих Израиля.

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих; яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего, возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на олтарь Твой тельцы.

Читайте также:  Молитвы божьей матери при онкологии

Источник статьи: http://pravoslavie.ru/put/shagi/pervieshagi13.htm

Воскресение Христово видевше

Приблизительное время чтения: 0 мин.

Текст:

Воскресение Христово видевше, / поклонимся Святому Господу Иисусу, / единому безгрешному, / Кресту Твоему покланяемся, Христе, / и святое Воскресение Твое поем и славим: / Ты бо еси Бог наш, / разве Тебе иного не знаем, / имя Твое именуем. / Приидите вси вернии, / поклонимся Святому Христову Воскресению: / се бо прииде Крестом радость всему миру. / Всегда благословяще Господа, / поем Воскресение Его: / распятие бо претерпев, / смертию смерть разруши.

Перевод:

Воскресение Христа увидев, поклонимся Святому Господу Иисусу, единственному безгрешному. Кресту Твоему поклоняемся, Христе, и Святое воскресение Твоё воспеваем и славим, ибо Ты – Бог наш, кроме Тебя другого не знаем, имя Твоё призываем. Придите, все верные (христиане), поклонимся святому Христову воскресению, ибо вот, пришла через Крест радость всему миру. Всегда благословляя Господа, воспеваем воскресение Его, ибо Он, распятие претерпев, смертию смерть сокрушил.

Видевше — увидев; именуем — призываем; се бо — ибо, ибо вот; прииде — пришла; благословяще — благословляем.

О песнопении:

Происхождение песнопения древнее, изначально оно входило в пасхальное богослужение. Но уже IX веке в пасхальном иерусалимском «Последовании» текст используется не только в пасхальном богослужении (после 6й песни канона и на часах), но и на каждом всенощном бдении после чтения Евангелия. Как неизменяемое песнопение воскресной службы, текст был выбран как наиболее сдержанный по торжественности и радости.

Смысл:

«Воскресение Христово видевше» — в этой фразе подразумевается духовное видение произошедшего, в частности, после чтения воскресного Евангелия на службе.

В тексте сделан особый акцент на Крестных страданиях Спасителя, «Все примем ради Слова, в страданиях будем подражать Страданию, кровью почтим Кровь, охотно взойдем на крест. Вожделенны гвозди, хотя и очень болезненны. Ибо страдать со Христом и за Христа вожделеннее, нежели наслаждаться с другими» (свт. Григорий Богослов).

Музыка:

С. В. Рахманинов, из «Всенощного бдения», исполняет камерный хор Министерства Культуры под управлением Валерия Полянского:

Великий русский композитор, Сергей Рахманинов (1873-1943), среди множества инструментальных сочинений, подарил музыкальному миру и два духовных хоровых цикла: «Всенощное бдение» и «Литургия св. Иоанна Златоуста».

Всенощная была написана, в основном, на древние распевы, или же это была целиком собственная музыка со стилизацией этих мелодий, как, например, в первом номере «Приидите, поклонимся». «Воскресение Христово видевше» является обработкой знаменного распева, в отдельных разделах хор поёт древнюю мелодию в унисон, тем самым, создавая в музыке некую архаичность. Драматичен по характеру конец («Смертию смерть разруши»), как воспоминание о Жертве, принесенной Христом за человеческий род.

П. Г. Чесноков. Хор Свято Троице-Сергиевой лавры:

Павел Чесноков (1877-1944), сверстник Рахманинова, был близок с ним в отношении к духовной музыке, их произведения перекликаются во многом по своей строгости и яркому торжественному свидетельству веры («Ты бо еси Бог наш»). Его вариант песнопения является обработкой киевского распева.

Источник статьи: http://foma.ru/voskresenie-hristovo-videvshe.html

Молитвословия Триоди цветной

С ветлое Христово Вокресение. Пасха

С тихира, глас 6-й

В оскресе́ние Твое́, Христе́ Спа́се, Ангели пою́т на небесе́х, и нас на земли́ сподо́би чи́стым се́рдцем Тебе́ сла́вити.

Т ропарь, глас 5-й

Х ристо́с воскре́се из ме́ртвых, сме́ртию смерть попра́в, и су́щим во гробе́х живо́т дарова́в.

К ондак, глас 8-й

А ще и во гроб снизше́л еси, Безсме́ртне, но а́дову разруши́л еси́ си́лу, и воскре́сл еси́, я́ко победи́тель, Христе́ Бо́же. жена́м мироно́сицам веща́вый: ра́дуйтеся, и Твои́м апо́столом мир да́руяй, па́дшим подая́й воскресе́ние.

В оскресе́ние Христо́во ви́девше, поклони́мся Свято́му Го́споду Иису́су, Еди́ному Безгре́шному. Кресту́ Твоему́ покланя́емся, Христе́, и свято́е Воскресе́ние Твое́ пое́м и сла́вим: Ты бо еси́ Бог наш, ра́зве Тебе́ ино́го не зна́ем, и́мя Твое́ имену́ем. Прииди́те, вси́ ве́рнии, поклони́мся свято́му Христо́ву Воскресе́нию: се бо прии́де Кресто́м ра́дость всему́ ми́ру. Всегда́ благословя́ще Го́спода, пое́м воскресе́ние Его́: распя́тие бо претерпе́в, сме́ртию смерть разруши́.

Читайте также:  Словарь для понимания молитв

С тихиры Пасхи, глас 5-й

С тих: Д а воскре́снет Бог, и расточа́тся врази́ Его́.

П а́сха свяще́нная нам днесь показа́ся: Па́сха но́ва свята́я, Па́сха та́инственная, Па́сха всечестна́я, Па́сха Христо́с Изба́витель, Па́сха непоро́чная, Па́сха вели́кая, Па́сха ве́рных, Па́сха, две́ри ра́йския нам отверза́ющая, Па́сха, всех освяща́ющая ве́рных.

С тих: Я́ ко исчеза́ет дым, да исче́знут.

П рииди́те от виде́ния жены́ благове́стницы, и Сио́ну рцы́те: приими́ от нас ра́дости благове́щения Воскресе́ния Христо́ва; красу́йся, лику́й и ра́дуйся, Иерусали́ме, Царя́ Христа́ узре́в, из гро́ба, я́ко Жениха́, происходя́ща.

С тих: Т а́ко да поги́бнут гре́шницы от лица́ Бо́жия, а пра́ведницы да возвеселя́тся.

М ироно́сицы жены́, у́тру глубоку́, предста́вша гро́бу Живода́вца, обрето́ша Ангела, на ка́мени седя́ща, и той провеща́в им си́це глаго́лаше: что и́щете Жива́го с ме́ртвыми? Что пла́чете нетле́ннаго во тли? Ше́дше, пропове́дите ученико́м Его́.

С тих: С ей День, его́же сотвори́ Госпо́дь, возра́дуемся и возвесели́мся вонь.

П а́сха кра́сная, Па́сха, Госпо́дня Па́сха! Па́сха всечестна́я нам возсия́. Па́сха! Ра́достию друг друга обы́мем. О Па́сха! Избавле́ние ско́рби, и́бо из гро́ба днесь я́ко от черто́га возсия́в Христо́с, жены́ ра́дости испо́лни глаго́ля: пропове́дите апо́столом.

С лава, и ныне , глас 5-й: В оскресе́ния день, и просвети́мся торжество́м, и друг дру́га обы́мем. Рце́м, бра́тие, и ненави́дящим нас, прости́м вся Воскресе́нием, и та́ко возопии́м: Христо́с воскре́се из ме́ртвых, сме́ртию смерть попра́в и су́щим во гробе́х живо́т дарова́в.

Н еделя 2-я по Пасхе.

С вятого апостола Фомы

Т ропарь, глас 1-й

З апеча́тану гро́бу, Живо́т от гро́ба возсия́л еси́, Христе́ Бо́же, и две́рем заключе́нным, ученико́м предста́л еси́, всех Воскресе́ние; дух пра́вый те́ми обновля́я нам, по вели́цей Твое́й ми́лости.

К ондак, глас 8-й

Л юбопы́тною десни́цею жизнопода́тельная Твоя́ ре́бра Фома́ испыта́, Христе́ Бо́же: созаключе́нным бо две́рем я́ко вшел еси́, с про́чими апо́столы вопия́ше Тебе́: Госпо́дь еси́ и Бог мой.

Н еделя 3-я по Пасхе.

С вятых жен-мироносиц

Т ропарь, глас 2-й

Е гда́ снизше́л еси́ к сме́рти, Животе́ безсме́ртный, тогда́ ад умертви́л еси́ блиста́нием Божества́; егда́ же и уме́ршия от преиспо́дних воскреси́л еси́, вся́ си́лы Небе́сныя взыва́ху: Жизнода́вче Христе́ Бо́же наш, сла́ва Тебе́.

И ные тропари

Б лагообра́зный Ио́сиф с дре́ва снем Пречи́стое Твое́ Те́ло, плащани́цею чи́стою обви́в, и благоуха́ньми во гро́бе но́ве закры́в положи́; но тридне́вен воскре́сл еси́, Го́споди, подая́й ми́рови ве́лию ми́лость.

М ироно́сицам жена́м при гро́бе предста́в Ангел, вопия́ше: ми́ра ме́ртвым суть прили́чна, Христо́с же истле́ния яви́ся чужд. Но возопи́йте: воскре́се Госпо́дь, подая́й ми́рови ве́лию ми́лость.

К ондак, глас 2-й

Р а́доватися мироно́сицам повеле́л еси́, плачь прама́тере Евы утоли́л еси́ Воскресе́нием Твои́м, Христе́ Бо́же, апо́столом же Твои́м пропове́дати повеле́л еси́: Спас воскре́се от гро́ба.

Н еделя 4-я по Пасхе.

О расслабленном

Т ропарь, глас 3-й

Д а веселя́тся небе́сная, да ра́дуются земна́я, я́ко сотвори́ держа́ву мы́шцею Свое́ю Госпо́дь, попра́ сме́ртию смерть, пе́рвенец ме́ртвых бысть; из чре́ва а́дова изба́ви нас и подаде́ ми́рови ве́лию ми́лость.

К ондак, глас 3-й

Д у́шу мою́, Го́споди, во гресе́х вся́ческих, и безме́стными дея́ньми лю́те разсла́блену, воздви́гни Боже́ственным Твои́м предста́тельством, я́коже и разсла́бленнаго воздви́гл еси́ дре́вле, да зову́ Ти спаса́емь: Ще́дрый, сла́ва, Христе́, держа́ве Твое́й.

П реполовение Пятидесятницы

Т ропарь, глас 8-й

П реполови́вшуся пра́зднику, жа́ждущую ду́шу мою́ благоче́стия напо́й вода́ми, я́ко всем, Спа́се, возопи́л еси́: жа́ждай да гряде́т ко Мне и да пие́т. Исто́чниче жи́зни на́шея, Христе́ Бо́же, сла́ва Тебе́.

К ондак, глас 4-й

П ра́зднику зако́нному преполовля́ющуся, всех Тво́рче и Влады́ко, к предстоя́щим глаго́лал еси́, Христе́ Бо́же: прииди́те и почерпи́те во́ду безсме́ртия. Те́мже Тебе́ припа́даем, и ве́рно вопие́м: щедро́ты Твоя́ да́руй нам, Ты бо еси́ Исто́чник жи́зни на́шея.

З адостойник, глас 8-й

К а́мень нерукосе́чный от несеко́мыя горы́ Тебе́ Де́во, краеуго́льный отсече́ся Христо́с, совокупи́вый разстоя́щаяся естества́. Тем веселя́щеся, Тя Богоро́дице велича́ем.

Читайте также:  Песнопение молитвы архангела михаила

Н еделя 5-я по Пасхе.

О самаряныне

Т ропарь, глас 4-й

С ве́тлую воскресе́ния про́поведь от Ангела уве́девше Госпо́дни учени́цы и пра́деднее осужде́ние отве́ргше, апо́столом хва́лящася глаго́лаху: испрове́ржеся смерть, воскре́се Христо́с Бог, да́руяй ми́рови ве́лию ми́лость.

К ондак, глас 8-й

В е́рою прише́дшая на кла́дязь самаряны́ня, ви́де Тя прему́дрости во́ду, е́юже напои́вшися оби́льно, Ца́рствие вы́шнее насле́дова ве́чно, я́ко присносла́вная.

Н еделя 6-я по Пасхе.

Т ропарь, глас 5-й

С обезнача́льное Сло́во Отцу́ и Ду́хови, от Де́вы ро́ждшееся на спасе́ние на́ше, воспои́м, ве́рнии, и поклони́мся, я́ко благоволи́ пло́тию взы́ти на Крест, и смерть претерпе́ти, и воскреси́ти уме́ршия сла́вным Воскресе́нием Свои́м.

К ондак, глас 4-й

Д уше́вныма очи́ма ослепле́н, к Тебе́ Христе́ прихожду́, я́коже слепы́й от рожде́ния, покая́нием зову́ Ти: Ты су́щих во тьме Свет пресве́тлый.

В ознесение Господа нашего Иисуса Христа

Т ропарь, глас 4-й

В озне́слся еси́ во сла́ве, Христе́ Бо́же наш, ра́дость сотвори́вый ученико́м обетова́нием Свята́го Ду́ха, извеще́нным им бы́вшим благослове́нием, я́ко Ты еси́ Сын Бо́жий, Изба́витель ми́ра.

К ондак, глас 6-й

Е же о нас испо́лнив смотре́ние, и я́же на земли́ соедини́в небе́сным, возне́слся еси́ во сла́ве, Христе́ Бо́же наш, ника́коже отлуча́яся, но пребыва́я неотсту́пный, и вопия́ лю́бящим Тя: Аз есмь с ва́ми, и никто́же на вы.

В елича́ем Тя, Живода́вче Христе́, и почита́ем е́же на небеса́ с пречи́стою Твое́ю пло́тию Боже́ственное вознесе́ние.

З адостойник, глас 5-й

В елича́й, душе́ моя́, возне́сшагося от земли́ на не́бо Христа́ Жизнода́вца.

Т я паче́ ума́ и словесе́ Ма́терь Бо́жию, в ле́то Безле́тнаго неизрече́нно Ро́ждшую, ве́рнии единому́дренно велича́ем.

Н еделя 7-я по Пасхе.

С вятых отцов 1 Вселенского Собора

Т ропарь, глас 6-й

А нгельския си́лы на гро́бе Твое́м, и стрегу́щия омертве́ша, и стоя́ше Мари́я во гро́бе, и́щущи Пречи́стаго Те́ла Твоего́. Плени́л еси́ ад, не искуси́вся от него́; сре́тил еси́ Де́ву, да́руяй живо́т. Воскресы́й из ме́ртвых, Го́споди, сла́ва Тебе́.

Т ропарь, глас 8-й

П репросла́влен еси́, Христе́ Бо́же наш, свети́ла на земли́ отцы́ на́ши основа́вый, и те́ми ко и́стинней ве́ре вся ны наста́вивый, Многоблагоутро́бне, сла́ва Тебе́.

К ондак, глас 8-й

А по́стол пропове́дание, и оте́ц догма́ты, Це́ркви еди́ну ве́ру запечатле́ша, я́же и ри́зу нося́щи и́стины, истка́ну от е́же свы́ше богосло́вия, исправля́ет и сла́вит благоче́стия вели́кое та́инство.

П ятидесятница. День Святой Троицы

Т ропарь, глас 8-й

Б лагослове́н еси́, Христе́ Бо́же наш, Иже прему́дры ловцы́ явле́й, низпосла́в им Ду́ха Свята́го, и те́ми уловле́й вселе́нную. Человеколю́бче, сла́ва Тебе́.

К ондак, глас 8-й

Е гда́ снизше́д язы́ки слия́, разделя́ше язы́ки Вы́шний; егда́ же о́гненныя язы́ки раздая́ше, в соедине́ние вся призва́, и согла́сно сла́вим Всесвята́го Ду́ха.

В елича́ем Тя, Живода́вче Христе́, и чтим Всесвята́го Ду́ха Твоего́, Его́же от Отца́ посла́л еси́ Боже́ственным ученико́м Твои́м.

З адостойник, глас 4-й

Р а́дуйся, Цари́це, матероде́вственная сла́во: вся́ка бо удобообра́щательная благоглаго́ливая уста́ вити́йствовати не мо́гут, Тебе́ пе́ти досто́йно, изумева́ет же ум всяк Твое́ Рождество́ разуме́ти. Те́мже Тя согла́сно сла́вим.

Н еделя 1-я по Пятидесятнице.

В сех святых

Т ропарь, глас 4-й

И же во всем ми́ре му́ченик Твои́х, я́ко багряни́цею и ви́ссом, кровьми́ Це́рковь Твоя́ украси́вшися, те́ми вопие́т Ти Христе́ Бо́же: лю́дем Твои́м щедро́ты Твоя́ низпосли́, мир жи́тельству Твоему́ да́руй, и душа́м на́шим ве́лию ми́лость.

К ондак, глас 8-й

Я ́ко нача́тки естества́, Насади́телю тва́ри, вселе́нная прино́сит Ти, Го́споди, богоно́сныя му́ченики. Тех моли́твами в ми́ре глубо́це Це́рковь Твою́, жи́тельство Твое́ Богоро́дицею соблюди́, Многоми́лостиве.

Н еделя 2-я по Пятидесятнице.

В сех святых, в земле Российской просиявших

Т ропарь, глас 8-й

Я ́коже плод кра́сный Твоего́ спаси́тельнаго се́яния, земля́ Росси́йская прино́сит Ти, Го́споди, вся святы́я, в тоя́ просия́вшия. Тех моли́твами в ми́ре глубо́це Це́рковь и страну́ на́шу Богоро́дицею соблюди́, Многоми́лостиве.

К ондак, глас 3-й

Д несь лик святы́х, в земли́ на́шей Бо́гу угоди́вших, предстои́т в це́ркви и неви́димо за ны мо́лится Бо́гу; Ангели с ним славосло́вят и вси святи́и Це́ркве Христо́вы ему́ спра́зднуют: о нас бо мо́лят вси ку́пно Преве́чнаго Бо́га.

Источник статьи: http://ms.pravoslavie.ru/111632.html